.

الصوت
-

قصيدة الشاعر خالد سليمان الجريش
-

يابو عمر بالله عجل بدكتور
حتى يعالج طيرك الفرخ غلاف
طير الحباري وصفه الموس ممرور
ذبحه فصيله للمعاليق قطاف
لحاق والخاطر قبل منه مسرور
النادر اللي ما تكفيه الاوصاف
تستاهل اللي يلحق الخرب ما يبور
غلاف حر ماكره روس الانياف
انا اشهد انه يا فتى الجود مصقور
لازادت الوزنة ولاردت خلاف
ياما حلا السجه بعيد عن الدور
ابعد من شبوك المزارع والارياف
ست المواتر تمشط القاع بحدور
بارض خليه مابها نور كشاف
فوقه نشاما تقنص القاع بحدور
كل يمينه طير قاطع وشواف
ركبت انا جيب مكمل وماسور
ايضا معك جيب جمع كل الاصناف
وطيورنا للصيد ملجا ودستور
تلحق إلى عصعص ورى الخرب الاهلاف
قمنا ندوج بين عرعر وابا القور
وصاح الصباح بجرة قشط وارداف
واجتمعوا اللي فعلهم عز وفخور
وانخرشت الربدا غدا قلبه انصاف
وضاق الخلا فيها مطاليع واحدور
وطارت واظن اطيارها مابه اسعاف
لاهد قرم ناقل طيره حذور
شربت مهب الشرق واقفت تنساف
يسوق ماتقطع به الروض واتدور
يخلف نواياها ليا شافها حاف
واخر نهايتها شهر صار مجبور
ثم انصرم كنه صواريخ الاحلاف
حول معلقها ورى راس عثمور
وتلافو الشبان تبريك واهتاف
وتجاذبو بالقول عن الهدد دور
وشبوا على دور السوالف والاسلاف
ودارت معاميل النشامى بد يجور
هذي حلاة الوقت لاكملت الاكلاف
الرد منكم يابن الاجواد منطور
واختامها صلوا على نسل الاشراف


************

.

الصدى
-

رد الشاعر إبراهيم الجريان :
-

حي الجواب اللي لفاني على الفور
نطقه كما ذوب العسل فاق الانصاف
من خالد بن جريش سيد ومشكور
ابن الكرام مكرم الضيف مضياف
الطير ما يحتاج دكتر وناطور
يحتاج جول فالسماء وقت الارياف
يحل فيهن مضربه مشة الزور
يناحره مناحر ما يجيه بخلاف
ما ينثني لشاف حوم السماء تحور
يشلع بعمر للكخاريم شطاف
مش الجيوب ولا تجي درب ماثور
وانحر لخد صيدها ما بعد خاف
خد سهل سرتوته مابها عثور
تلحق وطيرك كل ما طار ينشاف
فيها تشوف الصيد إلى شعشع النور
مانبي ناظور ولارقو مشراف
وتلقى مخابيق الحباري كما فهور
تخاف من قطاف الارواح محذاف
طير السعد يسعدك ساتر ومستور
إلى شلع يجيب لك كل ماشاف
يا خالد بن جريش خوتك جابور
تجبر كسور عظامها مثل الاشظاف
ياما حلا خوتك والربع ببكور
وطيري وطيرك للمخاريم حذاف
حر ولد حر خذا العز بفخور
سم العدا والا الأقاريب رواف


.

المصدر: الملتقى الجماهيري للشاعر محمد بن فطيس المري