يقول ابن فطيس..
علموه اني تركته باول العام الجديد
وعلموه ان الجروح بقلب غاليه موجعه
ايه احبه كثر حبي للمعاني والقصيد
وكثر ماهلت دموعي يوم حل موادعه
اشتاقله كثر اشتياق (الجد) لعناق الحفيد
واتحمله كثر احتمال السد موج يدفعه
ذاب قلبي في غيابه مثل ماذاب الحديد
يوم ولعني وخلا نار قلبي مولعه
اشهد انه مارحمني يوم خلاني وحيد
طاوعه قلبه يغيب ..وكيف قلبه طاوعه..؟
ماسمعت الا(شطر) ويحرك اشعور البليد
(ضاقت الدنيا بشاعر طيب قلبه ضيعه)
اتمناه..واريد..(والله يفعل مايريد)
وكان مكتوب الغياب شحيلتي كيف امنعه
علموه اني تركته وياعسى عامه سعيد
وعلموه ان القصايد في غيابه تتبعه..
| توقيع : صمتي شموخ |
|
