الملتقى الجماهيري للشاعر محمد بن فطيس المري - عرض مشاركة واحدة - في اســـتضااافة عــضو... في زاوية لمن يجــرؤ فقط

03-27-2012, 06:22 PM

اقتباس

المشاركة الأصلية كتبت بواسطة فهد الهباش

ممكن وليش لآ،،

هل سبق وجاك موقف تفشلت فيه بمجمع او حديقه او مكان عام اذكره لنا؟

فيه مواقف محرجة بس مو لحد الفشيلة ، زي ما تقولين كذا مسكآآت،،

اذكر مرة وانا في خامس ابتدائي ،
قال لي الوالد رح اذن كان وقت صلاة ، المهم رجعت وحصلت ضيوف عنده في المجلس
كالعادة اذا دخلنا على الضيوف بصوت عالي نقول : ارحبوووووووووو
صاحبكم باقي ما سكة معه ع الاذان دخل عليهم بصوت عالي : الله أكبرررررررررررر
وهم يردون ( علينااااا وعلييييك بسم الله اش صآآآآآآآآآر) ههههههههههه

ومرة في الجامعة اول سنة
حضرت محاضرة وانا شبه نايم كان عندنا عشاء وكانت السهرة صباحية
المهم حضرت بدري اول واحد وتكيت ع الجدر شبه ناااايم
ويوم جاء وقت التحضير اخر المحاضرة صحاني اللي جبني وجلست اسمع الاسماء وانا مدنق براسي فيني نعاس وتفاجئت ان اسمي مو موجود
فزيت بقوة وناديته اسمي ويوم حطيت عيني بعينه الا وهو اول مرة اشوفه استغربت طالعت في الشباب والله ما اعرف منهم الا واحد ما يدرس معي ، عرفت اني ساري ليل واني حضرت في غير محاضرتي،
اللي يقهر ان ما عندي الا ذيك المحاضرة في الصباح والباقي عصرية
راح علي التحضير وسجلوني غايب وراحت علي النوووومة وياااليل ما اطولك

الموقف الثالث
كان شوي قوي
اعتقد اني نزلته في موضوع كان لاخوي عاشق المستحيل

لكن مضمونه اني ركبت في سيارة واحد راعي لموزين في المطار تشبه سيارة قريبي
اللي جاي يستقبلني وقريبتي معه المهم اني حصلت وحدة في السيارة وسلمت عليها
وبغيت ابوس راسها والله خارجني ونفذت بجلددي ،القصة كاملة في موضوع اعتقد
اسمه اضحك مع نفسك على ما اعتقد لعاشق المستحيل،،

هذي بعض المواقف والمواقف كثير والله لكني ناسي بعضها ،،

ههههههههه وربي مت ضحك ع الله اكبررررررر هههههههههههههههههههه

الله يررج عدووووك قسم فاطسه هههههههههههههههه

الله يعطيك العافيه اخوووي فهد امتعتنا والله