((قبرين))
انتي قسم بالله منتي حبيبه
ولا تشوفيني اموت وتصدين
انتي مصيبه ايه وكبر مصيبه
لكن حسافه يادروب المحبين
عشمتني بالحب والحب خيبه
خيب رجاء قلبآ بكتبه شرايين
زليت في رجلي الين الغريبه
صرت اتحمل حاذفات السكاكين
اغريتني به لين صرت احتريبه
وثري تحريت العنا والطواعين
قلي بربك ويش تبغى واجيبه
امر تدلل خذ حياتي مع العين
بس المهم الحب فيني تصيبه
اما يموت او كلنا وسط قبرين
ماهو بكيفي يوم قلبي نصيبه
اعز ناسه يحقره بين رمشين
غصبن على المرضان يحضن طبيبه
دام المرض قاسي وله بس دربين
يادرب موت وكل مابه يغيبه
ولا حياة..مصادف الموت بعدين
وانا دخيلك صوب الحب صيبه
اما يموت او كلنا وسط قبرين
ثامر العنزي
