[من عشاق ابن فطيس]

فر قلبي فرة اللي في الهواء مفترة
ما يوردها علياني و لا جفالي

كونكورد صمموها صانعين الذرة
و استعدت تطوي الأمتار و الأميالي

و استلمها كابتنٍ تصميمها ما غره
يتفنن في قيادتها بدون إشكالي

فرها فوق المدرج مرتين و مرة
لين عرّض جنبها صفق الهبوب العالي

و جر قلبي جر قوسٍ في يد اللي جرّه
يوم جاز له اللحن و الراس ما هو خالي

ما يشوف من السما لو كان كبر الذرة
نايشه ضيم الزمان و فاقدٍ له غالي

الفراق أكبر مصيبة و الجفيّا مرة
تهدم الظن الكبير و توجع الرجالي

مثل ما شفت الجفا في عيونها المحمرّة
مثل قولة روح في فالك و أنا في فالي

لا تذكّرني ليا احرقك الزمان بحرّة
و إنس حتى سنترال البيت و الجوالي

و إنس فزعاتٍ توسّع خاطرك و تسرّه
يوم تنخاني و أطوح غترتي و عقالي

اهب يا هذا الزمان .. الله يكافي شرّه
بعد كان البرق برقي و الخيال خيالي .








لـ الشاعر : سلطان بن وسام الهاجري



للاستماع [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

 

 

 

 

 

 

 

 

توقيع : من عشاق ابن فطيس

الله [ يسآمح ] من يسوي سوآتك ،، ........ ماني بقايل [ جعل ربي يجآزيك ] بخالف [ أبن فطيس ] وأدمح خطآتك ،، .........مآطآعني قلب(ن) يحبك ويغليك [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]