اللي يقف بالطيب محدن تناساه = والبدر في نوره يزيل العسامي
بالشعر له معني ومغنى وفحواه = شاعر جزل ماهو ممثل درامي
لامن تهيض فوق رجمن تعلاه = يزها وشعره في يده ما يضامي
يعجبني الشعر الحقيقي ومحلاه = لا من كتب باحساس يروي ضوامي
اعرف متى يكتب خيال ومعاناه = واعرف خيال الشاعر المستهامي
واعرف من اللي يكسر البيت بخطاه = واعرف من اللي حط لاجله محامي
العلم وافي وانت وافي ومبداه = رجلك بعيده عن دروب الحرامي