البارحه مامسيت والنـاس ممسيـناخيل بـرق ٍ شـاق عينـي رفيفـه

برق ٍ من المنشاء غدالـه نياشيـنفي مزن ذكرى ً في زماني مظيفـه

ينساب ربانه علـى الخـد ويبيـنجرح القلـوب الساهيـات الرهيفـه

في مقدمه خير ويسوقـه مضاميـنهجر وهجير اهل العلـوم المريفـه

حتى تمكن في حشى القلـب تمكيـنوثنى على جمـع المعاليـق سيفـه

وصحى هجوس ٍ فالحشاء قدر عامينمستوطنه ترعـى ربيعـه وصيفـه

وسارت مناهجها على العسر واللينوافتح لها كـل الـدروب الشريفـه

اخذ واقلطهـا علـى هامـة الزيـنوالشين مالي فـي دروبـه نصيفـه

ياعامـر الشعـار ماهـم بناسيـنشي ٍ يهيض وسط عرض الصحيفه

فيهـا ومنهـا مايشـوق المحبيـنويهـز وجـدان النفـوس العفيفـه

لاشك تدري واكثر النـاس داريـنما فالهوى غير الـدروب المخيفـه

فيـه الضـواري كلوبهـا مكاميـنياويـل مـن تقـداه مـر العطيفـه

من ذاق جرح الحب مالـه مداويـنوالـي وقـع بـه مايفيـده رديفـه

مالـوم حالـك ياحفيـد الميامـيـنمـادام قلبـك ماتعـالـج نزيـفـه

كم عاشق ٍ يثنابه الجـرح جرحيـنيفضح سواد الحزن خافـي عطيفـه

له نوحة ً تجزع حفيـظ الشراييـنماله قوى من بعـد جالـه شعيفـه

هذى وانا مالي على الدرب دربيـنشفـي مجـاراة البيـوت الطريفـه

الجزل له في ثومـة القلـب تثميـنوالهزل عند اهل القلـوب السخيفـه

الشعر غايـه والضمايـر عناويـنمنهـال هاجـوس ٍ يسلـي غريفـه

ماني بلاهي كـان فالنـاس لاهيـناقود قـاف الجـزل قـود العسيفـه

والختم واعداد الخشـوع المصليـناسلـم وسلـم والنوايـا شريـفـه

خـالد العبيريـد .


أرررررررررررررررررحب تراحيب المطر
وبيض الله وجهك وصح لسسانك وعتلا شانك
شرفتني والله يوم جاريت أبياتي المتواضعه
شاعر جزل والله يا خالد ولا هنت
الصراحة ما كنت متوقع للقصيدة توصل لكم هنا بهذا الشكل
أرجع لك يا خالد بيض الله وجهك وسلمت وصح الله لسسسسسسسسسانك يا الذيب