[ترانيم المطر]

[poem=font="simplified arabic,6,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خالد=
من هاجس ٍ هااض واهتاضت به اشعوره=سلام رديتن بالطيب ثنيتها
يأهل الشعر كل شاعر يحتمي دوره=والا ترا ريمة القيفاان سريتهاا
ترانيم =
الشعر لا من تهيض بان مستوره = رجلي على الجزل دلتني وانا جيتها
يشدني لول بالقيفان منثوره = والا الهوافي من الهراج ما أوحيتها
خالد=
ياريم لاصارت الاوضاع مخبوره=الناس للوضع نادتني وناديتها
عمك علامه طفى فالوقت ديجوره=يوم المشايخ بنت بالمعرفه بيتها
ترانيم=
لا صار كلن يدوزن عندك اشبوره =نار المراجل بسيطه يوم شبيتها
والشيخ لو مات ذكره ما انطفى نوره= له بالمعاني معاني طايلن صيتها
خالد=
الله ولا راعي العطفه وباكوره=ماشال هم الفقيره يوم وصيتها
كل ٍ وله فكرته لاجفت ابحوره=السالفه من عصر للناس بديتها
ترانيم =
يالوف قلبي يا خالد لوفت الكوره = على يمينن بوجه الوقت سليتها
لولا العرب فاطنه والرجل محضوره = ما شفتني في مهب الريح سجيتها
خالد=
الفكر وش يخرجه يابنت عن طوره=وانا على الشرع لهل الخير سويتها
العذر مافيه فود ان قلت معذوره=دام الحقيقه على القانون غطيتها
ترانيم=
مادام فكري وعيني فيه مسحوره = وعينه تنادي لغيري يوم لبيتها
اغضيت بالغصب والدمعات محصوره = صحيح دمعة قهر لكني اخفيتها
خالد=
فاض البحر والبلا فالشاط وطيوره=ياليتني ياهل المعروف خليتها
النفس ياريم منهيه وماموره=اما على خير والا شر ٍ يبيتها
ترانيم
بالشعر سامرت قافي تقل مخموره = ودنيت نجر المعاني لين زليتها
ودلال عقلي عن الزلات موفوره = ماني من اللي تخلط السم في زيتها
خالد
فالشعر سامرت نفس ٍ حيل مقهووره=اجيبها حسب كيفي ثم وديتها
وش عاد ياعالم الاوهام وبسروره=مليتها يوم انا بالحيل مليتهاااا
ترانيم

عزام دلعلك وانته كاسر الصوره = وانا بكحل عيوني قمت واعميتها

لو انه اكد حجوز لراس تنوره = أعطيه راس الذلول ان كان سميتها
لكم أجمل وأرق تحيه وشكر خاص لمن تواجد =
[/poem]

 

 

 

 

 

 

 

 

توقيع : ترانيم المطر

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]