[بدر الهواوي]

خل الغـلا يذهـب وتذهـب بقايـاه-علـى حطـام الذكريـات القديمـه
ماعـاد يعنينـي ولا نـيـب ويــاه-عفيّـت عنـه وعفّـة النفـس شيمـه
عشق الترف مهمـا تعـدد مزايـاه-في قائمـة بعـض الروابـع عقيمـه
مثل السراب ادناه يطرد ورى اقصاه-ونهايتـه كلـه يــذب الخريـمـه
لايسقـي الضامـي ولا يختفـي مـاه-الا ليـا مـره مـن الغـيـم غيـمـه
ياقلـب لاتـنـدم عـلـى ماتمـنـاه-بعض النـدم علـى حسابـك جريمـه
كم مر مـن هـمٍ علـى الله مشكـاه-لكـن مايبنـي علـى الصبـر خيمـه
ياقلب مـن دور علـى شـي يلقـاه-واللـي بـلا قيمـه لا تعطيـه قيمـه
ليـا متـى المخطـي تحمـل خطايـاه-وليا متـي وانتـه عذابـك ظليمـه
كان الغـلا يقتـل وينعـى ضحايـاه-اكيـد ماينعـى ضحايـا النميـمـه
والحـب يلقـالـه محبـيـن تـرثـاه-وانـا رثيتـك يالدمـوع اليتيـمـه
ونهايـة الغـدار تكشـف نـوايـاه-ولا تجيـب لـه العـواقـب سليـمـه

 

 

 

 

 

 

 

 

توقيع : بدر الهواوي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]