["عذبة المبسم "]

إيه من حقّك تحب ، واحد : جديد !
بس " قلبي " لا أشوفك ، تقْربه

بنصحك وأدري النصيحه ماتفيد :
يا تعمّر ( بيتك ) .. أو لا ، تخْربه !

ناوي تعشق ؟ عافيَه ، إعشِق بعيد
صير ضِد القلب ، خُون وعذْربه .

الله يْهنّي ( سعيد ) في ( سعيده ) ،
وكل عقرَب لدغتة . . من عقْربه !

لا تفكّر في إنكساري ... يا عنيد |
و " الكلام " إن جاك ، لا تستغربه .

مستحيل ، تغيّر الأصل ، و تبيد
لو محيته . . أو نفضت الأتربه ،

صوتك إللي كان لي أيّام " عيد " ،
ما يأثّر .... في الخفوق ، ويطربه .

إنت خلّك .. في أحاسيسك بليد
( المَثَل ) في غير وقته : تضربه !

مو أكيد أنساك .. بس إن الأكيد :
كاس من إيدك ، بعد ما أشربه !

 

 

 

 

 

 

 

 

توقيع : "عذبة المبسم "

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]