[نديب]

لحظة وطن.! مادامك اليوم مهجور

بأمني المنفى..// وأنفي الأماني

( طاحت من أكتاف التعب ).. أربع شهور
وصاحت من أتعاب الكتوف.. / السواني


وصار الحزن شباك../ والصمت ديكور
وبكاي.. ترتيلة مطر .. ( للمواني ) !

والدمع شمع.. ومعظم أحيان../ بلّور
يتمرجح أهدابي/.. ليا من بكاني


كل ما أغني../ يختنق صوت عصفور
وكل ماسكت.. تموت فيني.. أغاني


وكل ما مكاني.. يجفي أصابع النور
أشعل أصابيعي.../ وأجفى مكاني..!


ومن كثر مانا طاغية.. حس وشعور
مابي هلي.. يدرون.../ اني أعاني


أطلع أبروز ( ضيقتي ) .. فـ آخر السور
الين تبكيني.. السكك../ والمباني


وارجع وألقى ( ياوطن..! ).. ضيق منثور
اسمع.. ولاتنثر دموعك/.. عشاني

طفلتك... ماتملك سوى حلم محصور
وشوية ألعاب/... وحكايا مواني


تحضر غياب.../ وتلتحف.. غيبة حضور
ينسونها../ وتقول: محدٍ نساني


تحلم.. وتخنق حلمها.. وحشة الدور
( والمدرسة/.... وهواش ) أبله تهاني


وعلى كثر.. ما بلل أطرافها../.. النور

تفرد أصابعها..../ وتطفى معاني

وعلى كثر.. ما تترك الصبح.. ممطور
تذبل../ لان الصبح دايم ... أناني


ما مات من برد الصباحات.. عصفور
بس هي ( ماتت ) ../ من كثر ما تعاني

بس هي ( ماتت ) ../ من كثر ما تعاني
بس هي ( ماتت ) ../ من كثر ما تعاني

 

 

 

 

 

 

 

 

توقيع : نديب

‏ [flash1=http://download.mrkzy.com/e/0612_md_13415781276.swf]WIDTH=400 HEIGHT=236[/flash1]