فهد الهباش=
سرى الليل يآ شعّآر من فسّر الكآبوس= تصيح النسآء والله له الأمـر والدبره
حمآمه بجنحآن الصقر تلعب المنكوس=تشرّف على المرقآب والنظره بنظره

ترانيم=
حلوم الليالي ما فهم درسها المحروس=يدوّر علاج الموت والسـم بالابـره
تلوح الحمامه ما تبي تقرب المنحوس=ولو قـرّب الصقـار عجـل لقبـره

فهد الهباش =
حلوم الليالي درس يقفاه عشر دروس= لكـن ويــن ياللي ما نفذ فالشقـا صبره
لك الله يا للي تحسبين الولـد مـلبـوس=.وش الرابط اللي يجمع الصفر بالعشره
ترانيم المطر=
درسنا العلوم وما نبي نشعل الفانوس=على ضو قمرانا قلم ممتلـي حبـره
اشوف الولد ما ذاق قاته مع الدغبوس=يخزّن بدكانه يبـي يسمـع النشـره
فهد الهباش=
عروس القصر غنّت ويآ حظّها المتعوس= على باب قصر الحاكـم اليوم منكـسـره
ترى وصفة العطّآر ما هـي بدفـع فلوس= يآ بنت إستحي لا يسمعك نآقص الخبره

ترانيم المطر =
بكار البدو ما تشبه بلونها الجامـوس=ولاهي من اللي بين الاقواس منحصره
وقصرن بلا عزه ولا فيـه نامـوس=لا داخلـه بابـه ولا باغيـه نصـره

فهد الهبااش=
نفوسن وطآها الشك ونفوس غير نفوس= ليا حـسّـها الهاجـوس كلّــن ولــه قـدره
وانا ابرى لربي عن كلامن يجيه دنـوس= شيرنا العرب واليوم يا ما اطول الشيره

ترانيم المطر=

بعض النفوس اتدق للصدق ناقوس=وبعض البشر ربي يكافيك مكـره
وفكري سليم ولابه ادنات حاسوس=ومن صد عني ما لحقته بحسـره

فهد الهباش =
من اول منشنها تبي جــرة الـنـادوس= تصيب الهدف والا علي قلت ما نكره
اثر طبخة المقبل مثل طبخة المكبوس= طـبـخها بلا خـبـره وفـي حلقه العبره

ترانيم المطر =
يبي يقنص الصيده وهو جالسن محيوس=وانا اشوف صيد البر ما ينوكل هبـره
طبخنا واكلنا وانت وجعان مضـروس=تذكّر حلاة الزاد وتجيـك لـه سكـره

فهد الهباش =
خلاص انتهى ما عاد به غير ضرب تروس= يا بعض المعارف كيف صرتي لهم نكره
على خـط واحـد كـل يـومـن علـيـه جـلوس=ومن قـام مـنهم طـاح به وانكسر ظهره

ترانيم المطر =
كتبت وقرينا خطك المايل المطموس=وهداج تيما ما يسمونـه البصـره
وتمر الحسا ماتاصله دودة السوس=والصقر حي ويكفخ بـراس وكـره