الملتقى الجماهيري للشاعر محمد بن فطيس المري - عرض مشاركة واحدة

الاوسمة · #1 03-01-2012, 05:06 AM

الله يسامح من طعني بظهري ( ثامر شبيب )

تعبت اقول لـ/ضيقتي سهود ومهود
اليا متى هـ/العذر ( بيكون عذري )

( البارحة ) يوم اكثر .. العالم رقود
عادت علي اللي ../ تجي منين مدري

( الضيقة ) اللي كل ماراحت تعود
مكانها مابين ../ قلبي , وصدري

ناسٍ تنام مدهنة فـ/ ( دهن عود )
وناسٍ تنام مدهنة بـ/ ( زيت مقري )

لاواهني اللي ../ حلالة مـن الذود
تسعين وضحى كل ( ماضاق يسري )

يسج ! معها كـل ../ ماهبت الـنود
يتبع مسيل السيل فـ ( القاع يجري )

ماهوب مثلي من اقرب الناس مجحود
( الله يسامح من طعني بـ/ ظهري )

من راح مـاكنه ع/ القاع موجود
مايدري انه اول ( اسباب كسري )

كل ماطرالي ../ قلت من قلت الفود
ياليت منهو راح ( ماعاد يطري )

لو تستحي من ../ فعلها ايـامي السود
كان استحت ( مبطي ولا طال صبري )

قدمت بـالموجود لـ/( خاطر الجود )
لين !! التفت ../ ولابقى شي حدري

عطيت من عمري ../ ولا شفت مردود
ياللأسف لـ/ ( لناس ضيعت عمري )

واذا افرحوا واجد ع/ طيحة العود
هذا دليل انه ../ ( فعل شي يغري )

بوقف لـ/حالي واتبع .. الطيب والزود
اشره ع/ ان ( صغر الوقت كبري )

( ماني على بعض المخاليق محدود
اموت مانزَلت ../ للناس قدري ..! )
..

لـ الشاعر/ ثآمر شبيب

المصدر: الملتقى الجماهيري للشاعر محمد بن فطيس المري