[الملاك الحنون]

لا تناديني ! وكل شي انتهى ,, من دون سبه
سٌمح الله الدروب , و عٌوض الله العلاقه

رح ؟ فمان الله واذكرني بخير وشوف غبه
في بحر عمر ٍ طريقه غامض .. ويوحش مساقه

لا ترجاني ! خلاص .. ودمع عينك .. لا تكبه
لا ترجى رجعتي ! وتقول : لو حتى صداقه ؟

مستحيل إنا نكون لبعض ؟ أو نرجع أحبه !
من يفرط في رواقي .. ما اتمسٌك في رواقه

وش يفيد الدمع ؟ قلي لواحد ٍ ماخاف ربه
الدموع الصادقه بالقلب ماهي بالطفاقه

مخطي ٍ ؟ من هو يحسب ان الغلا رجم ٍ يذبه
و القلوب البيض .. طيبتها مع العالم حماقه

كانت ايام الهوى ، شوق وسعاده مستتبه
كنت احبك ! واتعذب واشفق لشوفك شفاقه

كنت هايم وانت لٌوك زدت ! بالتعذيب ,, حبه
كان شفت القلب ماله في طعون البعد طاقه

بس راحت مع نسيم ٍ , كااان يغريني مهبه
وانجلى طعم الفرح واليوم ! .. ماتقت لمذاقه

ان لقيت انسان مثلي مايخون الود .. حبه !
وقتها ؟ بتعرف قيمة ,, من تهاونت بفراقه


كل جرح ٍ من < فراقك > لانويت اجيب ,, طبه
بذكر أنك كنت غالي ؟ وكنت للقلب اشتياقه

اخذ مني * قاعده * صارت بفكر العقل قبه
واخذها مني * قناعه * في مفاهيم العلاقه

ممكن ! بيوم ( الصداقه ) تكبر وتصبح ( محبه )
بس لا يمكن ؟ بيوم ( الحب يتحول صداقه )

راااااااااااااااااااق لي ...اتمنى تعجبكم..

 

 

 

 

 

 

 

 

توقيع : الملاك الحنون

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] شُكراً لِتلگ الأرواح التي تُحبُّنا , تُعانقُنا , تشتاقُ لنا , تهتمُّ بِنا , تَدعوا لنا , دونَ أن نَعلَم ♥