ياحبيبي وين تبغى يكفي اللي منك جانـي=شف غيابك ويش سوى لا أتصال ولا رسايل
كان تتعذب بقتلي ميته مـن دون جانـي=الجنايه هي فعولك والجفا ما بـه حصايـل
اذكر اني يوم جيتك وانت جالس في مكاني=قلت خل القلب ياخذ صورتك وانتـه تمايـل
قلت لك ما دام قلبك في خياله ما حوانـي =لاتعذبني بحبك واتعذب بالفعايل
اه لو لهل الهوى حاكم على شرع وبياني=ينصف المظلوم لامن طاح في صلف الهوايل
من وقع في سكة العشاق ماجاله ضماني = ماجداه الا ونين الشوق ويخيل المخايل
يابروق الحب وينك الجدب صاب المحاني = وين ميثاق المشاعر شف دموعي لك تسايل
ما توقع ان تخون الود لا قلت تهواني = ما توقعتك وحبي بالهوى صايل وجايل
شف غيابك يا حبيبي كمل الشهر الثماني = وكم هجرت من البشر من غريب ومن حمايل
لا تعذبني واتجعلني اسيره للثواني=بالوفاء شاريك وبكل الغلا وحسن الخصايل
شانك بسكة غرامي عانقه حبي وشاني=اقنع الحيران يشكي من سواتك والملايل
وكان عشرك في طريق الحب عادت للثماني =لا تقول ان الشجر ياقيك من حر القوايل
وابتدينا والنهايه جاني بلون ارجواني = حب ما نلقا مثيله عاضني هجر الرسايل

المصدر: الملتقى الجماهيري للشاعر محمد بن فطيس المري