حبك صحيح انه كبير الاماكن \\ في وسط ارض القلب موجود ضيّك
وسط الخلايا والشرايين ساكن \\ وسط العيون السود مافيه زيّك
واما على عرش الاحاسيس راكن \\ ياللي حكمت الشعب وتزيد كيّك
تعبت شوارع حبنا والمساكن \\ ماتنزل لشعبك تطوف وتشيّك
هذي عيون الحب لجلك تباكن \\ وهذا نبات العشق يحتاج ريّك
لون الهوى من سبت الصد داكن \\ وحر الجفا كنّة ولاشفت فيّك
نعم نحبك عشق بالحيل لكن؟؟\\ ان مارحمت الشعب.. يذبحك غيّك
والله لنتظاهر بكل الاماكن \\ ونقلب عليك الحكم لارحم حيّك
بقلمي
| توقيع : رائد العصيمي |
اللهم اشرح صدري ويسر امري
اللهم انصر اخواننا المسلمين في سوريا .. اتمنى من الجميع الدعاء لهم بالتوقيع
تويتر ( رائد لمتابعة قصائدي والتواصل معي )
مدونتي (ياركني الهادي تراني نصيتك)
|
