اشوفك يا سواد الليل تعـزف لحنـك المعتـاد=وتتركني على لحضاتك اللي تنـزف اوجاعـي
معاك الجيش ياليل ارحم اللي ما معـاه اعتـاد=اخاف اغرق مع الدمعه بعد ماتغرق اشراعـي
مدامك تجلب همومي بعد فرقى تعـب وجهـاد=ومدامي صرت صندوق البريد وصرت لي ساعي
دخليلك شف ضلوعي من فراقه جمرها وقـاد=وروحي في ليال الحب كل مجهودهـا ضاعـي
دخيلك ترفق بحال الغريب الـي عليـه انكـاد=ليا نامو عبـاد الله فـي ليـل الشقـى واعـي
دخيلك يوم باح الصبر كله وش بقى لـي عـاد=سواً طيف العنود اللي بها شفـي ومطماعـي
وانا من فارقتني وانت ضدي مـا هنـا برقـاد=يهيضني سكونك واشتعل في داخـل اضلاعـي
تطري لي من الذكرى مطـر يختالهـا رعـاد=وتسيل من الدموع انهار مـن زود التولاعـي
سقى الله يوم لاقتني وانا مـن شفتهـا منقـاد=دعيج العين والشامه وشفـه شهدهـا ماعـي
اظن أسباب فرقانـا عيـون العـاذل الحسـاد=وانا والله مـا ودي بظلـم وشانـت أوضاعـي
الا يا ليل مـا تـدري تفارقنـا مـع الاعيـاد=رثيته باجمل اشعار ٍ سكن فـي قلـب ملتاعـي
انا ماني بحي الله بشعري مـا كسـرت اشـداد=اردد مع وليف الروح واطرب لاجله اسماعـي
وانا ما جيت بشكي له ولكن جيـت لـه نشـاد=وشنهو مكسبه من جرحي الي فالحشاء شاعي
ابرر من سوالي ضيقت الخاطر ليا من هاد=لعل ان الاجابه تقنعه في سلم الاقناعي
ويضيع من الرجاء يأس الحزين الي عليه ازهاد=ضروف ٍ تحكمه ماله عليها حيل واسناعي
يشرح خاطر المشتاق تعبيره مع الانشاد=ويجرح خاطره برق ٍ بها الذكرى تشعشاعي
ويرعى الله ليال ٍ سلمها لهل المحبه ساد=على وصل ٍ يحده خافق الي بالهناء طاعي
ويجزى الله سواد اليل لامنه بهمي عاد=وناح القلب ونفسي ضاقت بصيفي ومرباعي