[مجازفف]

[ALIGN=CENTER][TABLETEXT="width:70%;background-image:url('http://www.m-f6es.com/vb/backgrounds/15.gif');border:4px groove green;"][CELL="filter:;"][ALIGN=center]

ياشينها لآ صرت , تسعـى لمخلوق
وفجأهـ كذا تصدمـكـ مُر {..الحقيقه
*******
أنام وأصحى ، وأرجع أنام وأفوق
وطيف الحزن يبلع ، من العام ريقه
*******
أعيش يومي ،، بين ضايق ومخنوق
وعجزت أحصّـل ،، للسعاده طريقه
*******
تدري وش أللي ، يذبح الحـُـب والشوق ؟؟
طعنة ظهر عاشق ، تجي من عشيقه
*******
الغدر دايم ، بين عاشق ومعشوق !!
أشنع جريمه ، في مشاعر رقيقه
*******
صار الوفاء في هالزمن كرت محروق
وصار الرفيق اليوم ،، يغدر رفيقه
*******
وصارت تشابه لحظة غروب وشروق
هم الصبح ، لاجا المساء ،، صار ضيقه
*******
وحتى الأمل ،، في هالزمن صار مسروق
كل(ن) ، في نفسه ، والبشر في حريقه
*******
الوقت مايرحم ،، ولايعطي حقوق
والحظ ميت ،، والحقيقه غريقه
*******
عندي خبر حصري ، حقيقي وموثوق
وعندي عليه أوراق ،، وعندي وثيقه
*******
تبي تصير أنسان في قمة الذوق ؟؟
أكذب ونافق ،، لاتقول الحقيقه
*******
وتبي تكون أنسان تافه ومطفوق ؟؟
أصدق ،، وتصغر في عيون الخليقه
*******
من لامني ،، لاشافني ، حيل مخنوق !!
لاخانته دنياه ،، نسمع شهيقه
*******

[/ALIGN][/CELL][/TABLETEXT][/ALIGN]

 

 

 

 

 

 

 

 

توقيع : مجازفف