[poem=font="simplified arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خالد العتيبي =
سلام الله على سعيد وسلام الله على الحضار = من هجوس على الجزلات ما تقصر خطاويها
تهيض يا سعيد وعلم التجار فالاسعار = نتي ناخذ ونعطي والمعاني من مباديها
سعيد القحطاني =
الا يامرحبا ترحيبة اهل الدار بالزوار =تراحيب الرجال اللي تقدر وجه ناصيها
انا مانيب ماسول عن التجار والفجار=نقوله والدوائر مالقينا واسطه فيها
خالد العتيبي =
يدوم ابك البقى والسالفه دوارها مندار=ودرت كل العرب بالعلم قاصيها ودانيها
انا همي يضيع الي سعى ياصاح يبغى الثار=يقول المثل كم هقوة ٍ ضاعت براعيها
سعيد القحطاني =
طبيعه بالعرب دايم يحطون العلوم كبار=ويشب النار شبابٍ يشب ولايحاضيها
سمعت اعلومهم قلت انصفونا وذبحو بشار=ولكن فالحقيقة بان حاميها حراميها
خالد العتيبي =
طبيعه بالعرب دايم يحطون العلوم كبار=ويشب النار شبابٍ يشب ولايحاضيها
سمعت اعلومهم قلت انصفونا وذبحو بشار=ولكن فالحقيقة بان حاميها حراميها
سعيد القحطاني =
على هونك ترا بعض الخلايق مالها مقدار=قبل تبلش بمجنون العرب من قل صاحيها
انا ماودي انك تصرف الدينار بالدينار=وهي في سوقنا مابين بايعها وشاريها
خالد العتيبي=
تقول ان مالهم مقدار لكن ابخس الأسرار =معي تقريرهم في حاضر الدنيا وماضيها
مادام تمدلي محار انا بأمد لك محار=جميع اعلومنا زينه وحبة خشم قافيها
سعيد القحطاني =
نبي نصبر عسى تالي زمنها يخفي الاضرار=ولو شرهات عمك في ضميره صار مخفيها
انا ماني مكررها مدام اني معك صبار=ابضحك والروايه باقيه في بيت راويها
[/poem]