الملتقى الجماهيري للشاعر محمد بن فطيس المري - عرض مشاركة واحدة

02-22-2012, 11:52 PM

كل ما قلت ابا ابعث لي تحية سلام

تهت ادور على اللي يستحقونها

في زمنا الضماير غاب عنها الوئام

تفشي الود والتنكيل بعيونها

اختفا الحق في موج الفتن والظلام

والثعالب علينا تكلح سنونها

قالو افضل طيور الود طير الحمام

بس منه الشجر تبكي على غصونها

الصغاير بعين النذل تبقى عظام

والعظايم بعين الذيب يا هونها

ذاك يبكي من اطرف شي حتى الكلام

والشلي يقلب الحجه لمديونها

لا عليك السلام ولا علي الحرام

ان حتى القوافي تكشف غبونها

بعد ما كان راعيها يسل الحسام

صار يبغى البنات تلامس فنونها

الغزل لا يضر ان كان حسب النظام

والفتاه ان نختني قلت يا عونها

ما نهاب الممات ولا نهاب الصدام

والليالي منون الغيب من دونها

كان ليث الهوا كشر ما هو ببتسام

غير موج الهموم تسوق ماعونها

كان تبغى تمشيها على مايرام

الضحايا كثيره وانكرت شونها

من ردا الناس جف الما بوسط الغمام

والدما سيلت حتى سطا لونها

ليه تقري السلام ان كان ضاع السلام

بعد ستر العذارا هتكت حصونها

كل شي على ما قيل يرجع حطام

ينتهي الناس دافنها ومدفونها

والبقى لله المعبود رب الانام

جل سبحانه اللي قدر ووزونها

لا حد يلوم نفسي ما عليها ملام

من غبون الخلايق كثرت طعونها

واحمد الله بعد ما صار حالي تمام

سنة المصطفى لا بد توحونها

يا سلامي عليكم يالرجال الكرام

سنة المصطفى با امشي بقانونها

اخوي ناصر حياك الباري ,,

كتبت وابدعت وصح الله لساانك على هالقصيده الجزله من شاعر متمكن وشهور راااقي بجميع اغراض الشعر ,,

خالص تحياتي وتقدري لك وخالص المتابعه .