يادنيتي مجروح من وين ما روح
ماراحت جروحي والايام راحت
ياليت لي نفس ( ن ) اذا ضاقت تبوح
لنكان من هم الليالي استراحت
كلما خفيت جروح تظهر لي جروح
بوسط صدري دلة الهم فاحت
وانا اكبر من الجرح ما اقول مجروح
نفسي العزيز اكبر من جروح ناحت
اوقف بوجه الوقت كني جبل نوح
ما اطيح لو روحي من الجرح طاحت
قلب الاسد ماهو مخلوق للنوح
تعمى عيونه كان في يوم صاحت
صوت الحزن من كثرة النوح مبحوح
يشكي الجروح الي مع الوقت لاحت
وانا لجرحك يا زمن قلت مسموح
ان اقبلت دنياي وان كان شاحت
ولو كل صدرن اصبح كتاب مفتوح
ان كان كل الناس بالهم باحت
والروح بعض احيان ترخص لاجل روح
لكنها لو باحت بسر راحت
خالد عبد الرحمن
| توقيع : ضامي الشوق |
|
