السلام عليكم ورحمة الله وبركاته
يا طير ما جتني علوم ومراسيل
ومنولن يا طير عندك خبرها
إمنولن بيني وبينه مواصيل
واليوم كمل ما بقى من شهرها
يا طير بلغ صاحبي بالتفاصيل
قله ترى روحي تزايد خطرها
قله ترى ما نام لا طرف الليل
أجاوب الونات وأسهر سهرها
قله دموع العين مثل الهماليل
عينن بكت والدمع بيح نظرها
قله ترى ذقت العنى والغرابيل
نار الحزن في جوف صدري سعرها
قله ترى حبك من أول ولا زيل
باقي على عهد المحبه صورها
حب الشرف ما هو بحب الجهاهيل
اللي على الغرات دارت دورها
يا جوهرة حبي ويا نافل الجيل
يا سيد تلعات البني وقمرها
