.. السلام عليكم ورحة الله وبركاته ..
في منتدى شاعرنا محمد بن فطيس يحلو للشاعر
أن يعبر بما يحلو له ..
إليكم القصيده
قالت وداع .. وقلت عفوا لا وداع
ماحن بلعبه في كفوفش تجفلين
قالت ترى وقتي معك كله ضياع
قلت احسب ان وقتي معش كله ثمين
قالت تنكت .. قلت قدر المستطاع
قلبي بعشش كم سنه قد له سجين ؟؟
الضحك ماله يابنيه أي داع
بيني وبينش حب عايشته سنين
قالت تحب .. وقلت ماخليت قاع
إلا وحرفش في بلك وبين طين
قالت أجل مغشوش ياسبع السباع
اللي مضى لا تحسبه صدق ويقين
لا ضقت جيت اطلبْك لا جالي وساع
وإلا انت ماتعني لي الكنز الثمين
للتسليه للضحك او بسمه تباع
هذي حياتي باتجاهك يالرزين
قلت الله اكبر يعني الدعوه متاع
وانا انسرق قلبي مع حبلي الوتين
قالت لي اسمع كان توحي للسماع
رح في طريقك قبل اذرك كالطحين
قلت اسمعي والقب .. قالت لي شجاع
لك وجه تحكي لي حياتك والسنين
بطلت اوادع بتركك دون الوداع
واعرف زمنّا كيف هو صاير لعين
وسلامتكم جميع
