[مـحـمـد الـجـازع]

لو مانت غالي ماتحمل غيابك

لو مانت غالي ماتحمل غيابك..
ولاأشقيت نفسي في رجاوي تلاقيك..
احب فيك الحب واعشق عتابك..
واحب طبعك والغياب وتجافيك..
عطني غلا ياليت يسلم شبابك ..
واعطيك قلب بالمحبه يناجيك ..
فيني عظيم الشوق يشكي جنابك ..
يسأل عن اسباب الجفى في لياليك ..
وينثر لك أوراق الألم من عذابك..
ضميان يشكي من عناك وتجنيك.
ياليتني حرف سكن في كتابك..
وأبقى معك في هامش الوقت مغليك..
خذني سؤال الحب خذني جوابك..
خذني معك ياليت ربي يخليك..
لو ما أنت غالي ماتحمل غيابك..
غالي ..ولكن.. ماقويت لتغليك