[رشيد]

.



يالضلع جيتك وسط قلبي غرابيل

ودي أفضفض لك هموم اليالي

.

واشرح لك الموجز بكل التفاصيل

عن قصتي والي حصلي وجرالي

.

خابرك ماتكشف علوم المشاكيل

ولاتقبل أهل المهزله والهزالي

.

ويالضلع ماجيتك دموعي هماليل

خوفي مشاريهك تجيني اثقالي

.

جيتك اسوق الرجل منهد" الحيل

وشيل حمل" ماتشيله اجمالي

.

وجيتك من جروح" بقلبي مدهيل

وصرت الصويب الي تمنى الزوالي

.

شفت القهر والضيم والغبن والويل

بسباب من همه على القلب طالي

.

غرون ذبحني بالرموش المضاليل

وزود على قلبي حميم " وصالي

.

فيه الوصوف النادره كنه الخيل

مضرب مثل ناسب لمضرب مثالي

.

زين" طبيعي مايبي زود تجميل

كامل والا الله الوحيد الكمالي





.



اسم القصيده وقائلها :

" يالضلع جيتك وسط قلبي غرابيل "


للشاعر / سلطان دبيس المرشدي



.

 

 

 

 

 

 

 

 

توقيع : رشيد

. Rule NO. 1 : Rshed Is always right Rule NO. 2 : If Rshed Is wrong see Rule NO. 1 -