[الصقار]

هي ناعسة من طبعها مابها حيل=لا تكحلين العين يثقل هدبها
خفي عليها ليتها تسهر الليل=طال السهر والنوم كنه غلبها
لي من هدبها ذكريات ومراسيل=فى ضحكها فى مزحها فى عتبها
تبني من جروح المواعيد وتشيل=هي الجروح اللى تجي من سببها
لو ان غيبتها مثل غيبة سهيل=لا الجدي مرضيها ولا احد عجبها
تغضي وكن رموشها تجمع الخيل=وتنظر وكن البرق يقرا نسبها
لا سلهمت ما للسوالف تفاصيل=والمشكله لا بينت لك غضبها
لا ناظرتهم من زعل بالمظاليل=كل المجالس صمتها صار ادبها
هي ناعسه من طبعها مابها حيل=لا تكحلين العين يثقل هدبها