يا من بلاش الله وزينش ف عينش
غضي البصر لا تحرجين البرايا
كن البشر خاتم بانامل يمينش
تارد على عدش كبار المــــطايا
تكحيل عيشن يالغلا ما يزينش
كحل الطبيعه من الاهــــش عطايا
سعد المرايا لا خذتهن يدينش
هن ما أخبرنش ؟ يعشقنــــش المرايا
نصيحة مني وبيني وبينش
طلعتش من بيتش ذنــــــوب وخطايا
خابر يقينش والتزامش بدينش
لكــــــن زينــــــات المــــــزايا بلايا
لا تحسبين غشاش فوقش يعينش
طول الرموش يحركن الغشــــــايا
صف الرموش اليك من اسفل جبيشن
صفت جنودا تنتظم في الســــرايا
من تنظرينه في عيونش سجينش
اما ظفر بش او كلتــه الشضايا
ورمشش وعينش لا قصدتي يشينش
منتي بحلٍ من ذنـــوب الضحايا
