[مجازفف]

يعينـك الله ياقلبـي علـى احبابـك

اصبر على الظلم ليـن الله يسويهـا

ان جيت للي تحبه قـال(وش جابـك)

أبسط حقوقك ياقلبـي مـا يراعيهـا

ياعز هالناس قلبي ويش سـوى بـك

وش مكسبك من عيوني يوم تشقيهـا

عمر المطر يوم ما وقف علـى بابـك

لو هي بتمطر يبيّن مـن عصاريهـا

كنت احسب اني سكنت برعشة اهدابك

كنت احسب اني امانيهـا وماضيهـا

لاواحسافه على صـوت تغنـى بـك

كـم مـن مواويـل لعيونـك نغنيهـا

ياقلب ماني مصدق كيف يصخى بـك

يهدم حياتـك ياقلبـي وانـت تبنيهـا

معقول هذا يجي من اقرب اصحابك.؟

صحيح من قال (حاميهـا حراميهـا)

الشاعر
مساعد الشمراني

 

 

 

 

 

 

 

 

توقيع : مجازفف