السلام عليكم ورحمة الله وبركاته
اخواني اخواتي اعضاء المنتدى الشامخ
يسعدني ان ابث اليكم ماهوا جديد من بوح قلمي المتواضع؛؛
اترككم مع القصيدة
؛
؛
؛
شهـر ياصاح تقطعـني.!ولا منـك يجـي طاري
متـى ترجع..! نفذ صبري عليك وتاه تفكيري
؛؛
على بالي ولا لحظه..! نسيتك ياضياء داري
ذكــرتك ليل ياخلي وصبح وتالـي عصيري
؛؛
رغم صدك فلابعتك..! واكيد لقربكم شاري
اناطر طلتك حايـر..! وجفني عقبك اسهيري
؛؛
وشوقي يرمع بصدري عليك وتشتعل ناري
ولاشك الغـلا لجلك.! وبعـدك هـو مخاسيري
؛؛
تعال وعانق احضاني.! وجودك يالغلا باري
تعال وحالي يالمبعد..! مايحمل زود تاخيري
؛؛
مجيك مرهم جروحي ياريحة عشب نواري
يابـدرٍ بازغ وكامل..! حنيـني صوبك يثيري
؛؛
نسيمك لاغـفت عيـني تهـبه نسمة الذاري
ورسمك مايفارقني معي من وين ماسيري
؛؛
على خبرك ترا قدرك مشيد يوم مانهاري
ولايمكن اصور لك اخاف يخون تصويري
؛؛
تحـريتك وعاتبتك.! عتاب احباب بشعاري
وحتى لاذكـرت اسمك.! بكالك حب تعبيري
؛؛
عقب حبك بكت عيني ودمعي هل مدراري
ترى اقسى شي ياخلي غيابٍ دون تبريري
؛؛
غيابك غير ياالجادل..! غيابك تيْـه افكاري
عجزت القى لهجرانك ياسيد الغيد تفسيري
؛؛
صرخت وناحت الورقى ترا للغايب اعـذاري
على غصن الأمل تسجع خليه مثل تزعيري
؛؛
اثر كلن شكى الفرقى.! وله ياقلبي اسراري
نعيش بهالزمن فتــره.. وكلن له مقاديري
؛؛
ياليت احدٍ يطمني عن المزيون وش صاري
معي ولابعد صبري ضحك سنه مع الغيري
نواف محمد الصلبي
دمتم بحفظ الله
