[عبدالله السفياني]

[poem=font="simplified arabic,5,darkred,normal,normal" bkcolor="transparent" bkimage="" border="none,5,darkred" type=1 line=0 align=center use=ex num="0,black""]
سلطان الحجاز

ياحاسن انته مع العربان منته بسيط= تجنب ادروب خلق الله وتنشب لها

الدور موجود وانته ماعبرت المحيط= وانته بقاربك ماقربت منزالها

شاعر زمانه

انا سبحت البحور الغامقــه والوسيط=لكن غدرانكم صـرفت مسيالــــها
الدر جبته وغيري في المشاغل يخيط=واثيايبها عاريه ماغطت ازوالها


سلطان الحجاز

الوضع واضح ولكن ماسمعت الشريط= الذبذبة شوشت ماترسل ارسالها

شاعر معرفه وشاعر يهتبد بالخريط=والمفردة واضحة تنوض فـ خيالها

شاعر زمانه

العلم مسموع لكن روح روحــــة مقيط=والي سواتك تريح في الزمن بالها
هاجس بورث المعرفه يوم هاجس لقيط=والمفرده تشبه الغــتره مع اعقالها

سلطان الحجاز

العاقل المتزن ماهو بمثل العبيط=يعرف طريق السلامة في مواويلها

تاجر وبايع وشافوا مايجيب الوسيط= يصلح ويغدق على العربان بريالها

شاعر زمانه
ان كنت عاقل وفي حجك لبست المخيط=ترى الأسود الكبيره وصت اشبالها
انته تجارتك راحت في الكلام السخيط=في الخزنه الى امتلكنا نمرة اقفالها

سلطان الحجاز

نصرف ذهب والذهب ماهو بمثل الخليط = اقطف ثمار الهروج واعقل إجمالها

واوجد روحي على شاعر كما ابن المشيط= اليه يشر وقالو حكمته قالها


شاعر زمانه

ماني بمعطيك نوط الحرب تاخذ نويط=حتى نجازي رجال الطيب بفعالها
وجدك مسافر قطر رده وشوف السويط=ياكم حكم من سفير اهذيل قد نالها [/poem]