الملتقى الجماهيري للشاعر محمد بن فطيس المري - عرض مشاركة واحدة

الاوسمة · #1 01-29-2012, 12:30 PM

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

أسف على شح القلم يا مكاتيب
ما عاد لي صدر ، لحنين الكتابه ! .
لو شعري حروفه سيوفٍٍ معاطيب
ليه ، اكتبه في واحدٍ .. مادرابه ! .
كم لي وانا اعشّم الظن ويخيب
ولا كسبت .. الّا شعر ، ينحكابه ! .
ولا القريب اللي ماهو يمّي قريب
سندت له قلبي صبر ، وارتكابه ! .
اشتاق له ، لو يسرق العمر ويغيب
واحتاج له ، لو شح فيني زهابه ! .
مثل المطر لاغاب ندري وش يجيب
الارض ، تحتاجه .. سحابه سحابه ! .
يكفيه .. خلّا الضد فيني مطاليب
أموت في وصله وأموت بغيابه !! .
قولوله أني فوق روس المراقيب
أخافه ، ولا أخاف جوع : الذيابه ! .
وقولوله ان الهجر لو منبعه طيب
قد قاطعو ، وصل الرسول : الصحابه ! .
وقولوله ضلوعي : حنين وتراحيب
لو كان معْه طعون ،، يا مرحبابه ! .
ولّا القلم .. لاشح ، حق المكاتيب
تقبل أسف بوحي ب قل : الكتابه ! .
. معاي حق ان قلت بعضه عذاريب
مادام ، ماهزّه ل وصلي وجابه !! .

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

المصدر: الملتقى الجماهيري للشاعر محمد بن فطيس المري