[بنت برقا]

اشره عليگ ان كنت للحب نساي
واشره عليگ ان كان قلبگ نساني

مدري وش اللي غيرگ وانت وياي
في حبي اللي كان كبر المباني

الحب بين الناس بايع وشراي
وانته تبيع الحب باسرع ثواني

لا تحسب اني من عنا الوقت شكاي
لا شگ ادور في عيونگ مكاني

راح الزمان اللي بهـ القلب وفاي
وراح الحنان اللي مضى في زماني

لا تعتذر يا كثر ما صرت خطاي
ما عاد ينفع عذرگ اللي لفاني

من رحلة غيابگ تجي تطلب رضاي
يومگ هدمت الشوق وسط المحاني

عزفت من وقتي شقى عمري الجاي
من ماضي الذكرى وحزنٍ كساني

ما دمت تسمع من مشاريهي حكاي
لا تنزل دموعگ حبيبي عشاني

وسلامتكم

الشاعر وليد بن فهّاد

 

 

 

 

 

 

 

 

توقيع : بنت برقا

التصوير ..ايقاف لحظه من الزمن تبقى للأبد تغني عن كل الكلمات