السلام عليكم ورحمة الله وبركاته الله يمسيكم بالخير جميع
متواضعه واتمنا ان تنال اعجابكم وترقى الى ذآقتكم الرااقيه
لآني بمتكبر ولآني بمغرور
ــــــــــــــــــــ ولآني بمرتآح ٍ ولآني بضآيق
بس الوكاد ان في حنايآي دآفور
ــــــــــــــــــــ وأحيان تلحق فالعيون الحرآيق
صفت هواجيسي علي صف طآبور
ـــــــــــــــــــ تآخذ معي ساعه وترخي دقآيق
وأبقى على ذالحاله أيام وشهور
ــــــــــــــــــ لو يحسب اني سآلم الحال فآيق
وان ما عذرني خالي البال معذور
ـــــــــــــــــ ايلين تظهر له جميع الحقآيق
قآموس وقته ماعرف كيف مقهور
ـــــــــــــــــ رآيق وعنده كل مخلوق رآيق
بعض العرب لو يبحث بكل مستور
ـــــــــــــــــــ يندم على تفتيش بعض الطبآيق
ياصاحبي والله ماني بمجبور
ــــــــــــــــــــ مالي على جبر المشآعر طرآيق
ان ما جبرنا حُب وأحساس وشعور
ــــــــــــــــــــ والا أعتبرها بين بايق وبآيق
جرح المشآعر ما يدآويه دكتور
ـــــــــــــــــــ ينزف دقآيق و يتألم دقآيق
والا الخيانه في الهوى شي محظور
ــــــــــــــــــ والدين عآيق وأكثر السلم عآيق
وسلامتكم
