01-07-2012, 09:12 PM
|
|
|
وَ آسألوُآ آلْ ريّآضَ عَنهُ :....مما راق لي
! ليالي نجد ما “مثلك” ليالي
♥ “غلاك أوّل و زاد الحُب “غالي .................................................. .........
اسألي عن نبض قلبي لا لفى حي الغدير
والمخارج والشوارع واسألي كل الرياض
.
.
لا لفيت الحي كن الروح من جسمي تطير
واسأل أنوار المنازل
نور بيتك وين ناض
.
.
وألمس أطراف الحدائق والتمس منها العبير
عطرك المختال مرّ ومن طهر هالشوق فاض
.
.
رغم إني مالقيتك وأختبط كني ضرير
قمت ألف الحي كله لين شفت الحزن خاض
.
.
وصاحبي يسأل على وجه الصدق وضعك خطير ؟؟
وأنت من عدة شهور فايتهـ والحال قاض
.
.
لاتجي حي الغدير وعندك من الروح بير
وش تبي في هالرياض الممحلهـ رح للفياض
.
.
ولاتحسب السالفه بتمر في قالب يسير
وأنت كن الدمع في عينيك ياصاح أستشاض
.
.
وصرت أشوفك تكتم العبرات وأحياناً تثير
كل حرف وكل لحن وكل مافيك أمتعاض
.
.
قلت له : وقف على كف الأمل قلبي بخير
ماتضيق بداخلك حتي تفجر وأنت راض
.
.
كيف لا وفي يديني من مسا البارح أثير
عانقتني بالرسايل والدليل الشعر هاض
.
.
بين ليه وبين كيف وبين عله مايصير
وذكريات أرقت عيني وصيحات أعتراض
.
.
ولاتزال مفاوضاتي جاريه ويالله خير
والمشاعر تنتظر حكم الشعور وليه غاض
.
.
ومن حقوق إنسان واعي حق تقرير المصير
ومن بغا يقطف وروده يلسعه شوك الحياض
.
.
وأنتهينا عند أبيك وغيبت شمس الهجير
وصار ظلي فالزمان وصرت روحه والرياض.
.
.
|
