الشاعر سالم بن جخير اتوقع الجميع يعرفه....
الشاعر سالم بن جخير.....كيد النساء

الله يصبرني ويدمح زلتي والله يعين = وجهٍ من غبار السنين العوج والحزن اكتسا


ياوجد حالي من عنى قلبي ودورات السنين = لاجيت بنسى ضيقةٍ فالصدر قلبي مانسا


ويامل قلبٍ له سنه مابين زين وبين شين = اصبـِح وانا طيّب واشوف الموت لاحل المسا


لي فكر متشتت ولي قلبٍ من اللوعه حزين = كله من اسباب الجفا والبعد وجروح الأسا


على الهنوف اللي غلاها بين قلب وبين عين = اللي غلاها بان في عيوني وفي قلبي رسا


اجي لها يومين واليومين كنها ساعتين = واروح عنها والطواري بين عل وياعسا


وايدي على الجوال قبل يدق واسمع له رنين = كني مواعد لي جموع شيوخ وجموع اريسا


ولا كلّمتني من حرارة صوتها اتوه لين = اروي ضما سمعي ويدفا السمع لامنه احتسا


والى طرت لي والهموم افواج جريت الونين = والى تذكرت الطريق الصعب رديت يخسا


اشغـّل الفكسار دون شعور ويحذِف ميــّتين = ولا أحس إلا بدون شعور قد طفت الحسا


لاتسألوني وين خلوني كذا من دون وين = قلبي دليلي لو يطول الدرب ويطول القسا


وان كان شفتوني حزين وحافظ السر الدفين = خايف لجي منّي وكيفي علك فحلوق انجسا


به حاجتين الناس تكرها مع انها حاجتين = الموت من ضيم الدهر والموت من كيد النسا

المصدر: الملتقى الجماهيري للشاعر محمد بن فطيس المري