[مجازفف]

الاولى ...


الشوق زاد و خابر الشوق لا زاد
قلبي لو إني ما أجي لك يجي لك

المعطيات جداد و أبياتي جداد
و عن أكثرك بالقلب يكفي قليلك

دامي معك و الشوق صادر و وراد
ما تنكسر لو بيد الوقت حيلك

وش فيك متضايق و أنا قلبي بلاد؟
ما شالتك هالأرض .. قلبي يشيلك

ياللي غلاك بداخلي ماله أبعاد
تبطي و لا أحدٍ من خفوقي يزيلك

لك مع شروق الود كل يوم ميلاد
لو ذقت توتك لامني سلسبيلك[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

ماحلى الصدف لا جات من غير ميعاد
الله وكيلك ثمٍّ الله وكيلك

تقلب تقاسيم الحزن كله أعياد
لا الصبح صبحٍ لك .. و لا الليل ليلك

و أنا مع الهجران الأثنين أضداد
ما هو خليلك بس أنا لك خليلك

قريت بعيونك تواعيد و عناد
كنها تقول إن غبت يا ويل ويلك

وشلون أغيب و داخلي شوق ما هاد
مناك أو مناك لازم أجيلك

و كانك نويت فراقي و لا أنت نشاد
اذبحني بدربك و كمل جميلك

لك اشتياقي كل ماله و يزداد
لا تحرم عيوني عيونك .. دخيلك

سألت نفسي عنك و الشوق وقاد
إليا نسيتك وين ألاقي بديلك؟