الملتقى الجماهيري للشاعر محمد بن فطيس المري - عرض مشاركة واحدة - ღ .. تبغى تعرف اللي ذبح قلب ( سعودّ ) .. تعال واقرا ما يخطه عشانك .. ღ

12-28-2011, 09:04 PM

لو تاسع فجوج ربّي فِ عيوني تضيق !
................................ عيّيت لا أنسى ( هوى العاشره ) وخلانها

يا ( قبله العشق ) ياورد الشذا و الرحيق
................................ يا فخر إبيها الشجاع , وعزوة إخوانهــا

لو باعدتنا الاراضي / والمدن / والطريق
................................ تراتس فِ عيوني الثنتين .. وأجفانهــا

الشوق يطفح بعيني وإن ملاها يريق
................................ ويخط سيله على خدي .. ووديانها

لاجيت أقول لتس : مشتاق / ماراق ريق !
................................ تذبل حروف فالكلام .. وتدفن أشجانها !

لو سولف الحب .. عن سر الغرام العميق ؟
................................ عرفتي كيف المحبّه .. يصعب إعلانها !

لو ترتسم الابتسامه وسط قلبي حريق !
................................ أزرع بذور الغلا .. وتموت عيدانها !!
( ف ) إلى لمحتي بعيوني ياضناها بريق ؟
................................ هذي ( دموع الوفا ) .. تحتال سجّانها ,

لا والذي شرّف البيت الحرام العتيق !
................................ ما خلقت اللي تساوي روحتس وشانها !!

قلبي حصونه غلا ! وعيونتس ( المنجنيق ) ,
................................ هديتي أسوار روحي , وكل بيبانها !

( أنيقه الذوق ) ما تستاهل الا أنيق ! >>
................................ يفهم تعابيرها .. ويعزّ سلطانـها ,

وانتِ خلاطه حلا ( مرجان , ولول , وعتيق ) !
................................ يموت فيها الدلع .. ويبات بـ أحضانها ,

لبى معاليق صدرتس كل ما اغفى وافيق !
................................ يامن يذوب الكلام فنطقه لسانها

أروح فيها !! مع الصوت الابح / الرقيق !
................................ ياكبر ذنب الشفاه ؟ .. وكبر شيطانها ,

قيد المحبّه على كف المولّع .. وثيق !
................................ وأنتي غرام الحياه , وغالي أثمانها

يا أغلى من الدمعه إلي فِ عيون الرفيق !
................................ وأقرب من الدم , فعروقي .. وشريانها ,

انا سبحت البحر .. وإن مت ؟ موتت غريق !
................................ فـ / انا شهيد العيون السود , وأجفانهــا

ما كنّي الا ( عناد ) , إلي بـ عليآ عشيق ؟
................................ وعيوّا على مبتغاه ؟ .. إعيال عمّانها !! >> عزتيله