ياعاصمٍ(ممدوح) مافيه معصوم
إلا نبي الله عليه الصلاتي
ماكل طايح ينفعه مدح ويقوم
المدح ماينفع عديم الصفاتي
والحمد لله امس ماني مع القوم
يوم الردي يرضى بجمع الفتاتي
انا عزيز النفس ومانيب محروم
والله عطاني جاه ومال وهباتي
ماني على مدح المخاليق ملزوم
والنظره بعزه اساس بحياتي
ومحدٍ ملك مبداي ومبداي محشوم
عن كل ذله تنتقص من سماتي
وان كنت سلعه اقبل الذل والسوم
عزالله ان العيش مثل المماتي
والغايه اللي تكسر الخشم لخشوم
هي غاية اللي ارتضى بالوصاتي
وياعاصمٍ (ممدوح)مافيه معصوم
الا نبي الله عليه الصلاتي
للشاعر
بيان الذكري
