رد: غــابت
صح الله لسانك يا فهد .. قصيده طيبه بدون مجامله
وانت يمكن ما لحقت علي هنا ,, انا احب اقرا القصيده اللي قدامي / وما اكتفي بالنظر وارد .. ولكن
احاول اعيش جو اللي كتبها عشان استفيد منه اللي اقدر استفيده .. .. واحنا نكتب قصايدنا هنا عشان نستفيد
والنقد جايز واتمنى تتقبله بصدر رحب ,, وابي ابيّن لك نقاط الضعف والقوه عندك
لما تقول
يا ذى القمــر والليـل تكثر غيومه
...............والبرق يبرق والهماليل عيني
هنا وقع تشبيه في غير محله .. يعني انت شبّهت هماليل المطر في عينك .. وانت قصدك تشبّها في دمع عينك
يعني اذا قلت مثلا .. " من هماليل عيني " هنا انت تشبه الدمع بالهماليل
لما تقول
قالـــوا تقاليـد القبايــل سلومـــــه
.............. عيبٍ تذب الدرب حينن وحيني
انا ما فهمت قصدك بالشطر الاول .. هل تقصد تقاليد العرب سليمه ؟؟
اذا هذا القصد انت جبرت الكلمه في غير لفظها الصحيح عشان الوزن ،، اما اذا انت تقصد " اسلومه " من سلم العرب فـ بيكون فيها كسر
يا من يبشرني وشنهي عـــــلومه
.............عسى وليف الروح نوره يبيني
هذا البيت اعجبني ,, انت استخدمت اسلوب الاستفهام والرجا
وهذا ما يقلل من انك شاعر .. بالعكس شاعر و بيكون لك شان ان شاءالله
|
