12-24-2011, 02:18 PM
|
|
|
غــابت
غابت ولا أدري عن تفاصيل يومه
............... يالله ترده من غيابــه يجيني
قمت أتحرالـــه ونفســــي كتـومه
............... أخاف شين صار بينه وبيني
يا من يبشرني وشنهي عـــــلومه
.............عسى وليف الروح نوره يبيني
يا ذى القمــر والليـل تكثر غيومه
...............والبرق يبرق والهماليل عيني
رجلي على المرقى تعلت رجـومه
.............يعوي عوى ذيبٍ حدته السنيني
مال الكدر يرمي علينا سهــــومـه
............يكفي من اللوعات شوق وحنيني
من حكم عاداتٍ علينا لــــزومــــه
.............تفرض نفوسٍ خلت الزين شيني
قالـــوا تقاليـد القبايــل سلومـــــه
.............. عيبٍ تذب الدرب حينن وحيني
وإحترت منها وأصلهـــا إمعدومه
.............. تقـول ما كنا عــــرب مسلميني
|
