12-23-2011, 01:09 AM
|
|
|
رد: ღ لي طبعــــــــي الخاااااص وأسلوبي ذبح غيــــــــري ¸¸.ღ
الجادل اللي تغيض الغيد بيض وسمر
ترتع بـ حدب الضلوع العوج من قدّها
تشغل عروق الخفوق اللي عليها تمر
عروقٍ تبلّها ,, وعروقٍ تقِدّها
العين شاطي بحر , والثغر حانة خمر
والليل في شعرها ، والصبح في خدّها
والخصر ناحل ، وباقي وصفها ادها وامر
لبى نحرها ليا ذعذع شذا ندّها
والشعر الأسود على دمث النحر لـ انهمر
امواج بحرٍ يضيع بـ جزرها مدّها
واسلوبها مع تغنّجها دمرني دمر
لاجيت ابي ودّها وازريت في ودّها
يحلا الضحى في تواجدها ويحلا السمر
اذوب في مزحها واحتار في جدّها
متى على الله على درب المواصل تمر
تهت وذبحني غلاها لعنبو جدّها
راح العمر وين ابلقى للتواصل عمر
حتى المعاليق منْها بيّحت سدّها
الوصل راحة صدر ,, والهجر موتٍ حمر
ياكيف تبني بيوت الحب وتهدّها .!
|
