[(¨`•.ڰڶيـﮯ ﺷمۈڂ .•´¨)]

صبحكككم \ مسااكمم الله بالخير ...
هم جبت لكم ابدآآع اخر . . طبعا هو راق لي
احمم ....المهم ،،،
قصيدة " مليــك المحبه "
للشاعر " عبدالكريم الجباري "

.

.

.

.

يامليك المحبه حان وقت الحصاد
طول عمري أطوف لاكن أحترت فيك


:


والله أني أعرفك قبل سن الرشاد
ألين جيتك قبل ليله وأنا محتريك

:

ماحشمت السنين ولا حشمت الوداد
روح شكواي لله .. وحسبي الله عليك

:

ماتوقعت قلبك يكسيه هالسواد
ألين قصيت حبلن من عقب ماهو سميك

:

كان سوق المحبه منك جاه الكساد
عندنا الربح كاش ولا نسلمك شيك

:

من غلاتك تحملت الشقى والعناد
ومن غلاتك أتزعلني وأطوف وأجيك

:

جاك عقلي وفكري والنظر والفواد
وجاك قلبي وروحي وسقتها في يديك

:

كل شيء أخذته وصرت مثل الجماد
مابقى ألا عريقنْ مايبيني يبيك

:

شفت كبر الغلا .. وبسألك ؟؟ ويش فاد ؟؟
راحت سنين عمري بين هذي وذيك

:

ماغزيت الحنايا في جيوش وعتاد
مجلس عروق قلبي رشحت له مليك

:

لاكن اليوم نكسنا العلم للحداد
وأحسن الله ياحبي عزاء والديك

:

وأنت ياللي فراقك صار مثل الأعياد
روح لاعاد ترجعلي ولا بأحتريك

:

لا نبي لك حنان ولا نبي لك وداد
كثر الله خيرك وانعم الله عليك

وكالعادة للاستماع : :
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

 

 

 

 

 

 

 

 

توقيع : (¨`•.ڰڶيـﮯ ﺷمۈڂ .•´¨)

كتبت رواية ، وهذا هو الرابط لمن شاء أن يقرأها : [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] ♡♡