بسم الله الرحمن الرحيم
ابيات متواضعه أتمنى أن تحوز على رضاكم
جريت صوت الشوق من حدب الإضلاع=عل وعسى يبرد خفوقي ويرتاح
الصوت مبحوحاً وأنا كلي أوجاع=والشوق فأعيوني له اسنين فضاح
ياللي عليك الحال منهك وملتاع=صبري على فرقاك بالعزم ماطاح
خلك هناء لو طيف وأرفق ولي راع=مال الهموم بطلتك عندي أمراح
لجلك يطيع القلب لو كان ماطاع=ياللي بوجودك تايهاُ بين الإفراح
هيبة غرامك كنهاالشيخ فزاع=شاعر بطل متشبعاً عز وأمداح
وجمرة غيابك هضبةٍ صخرها ماع=وسط الخفوق اللي اشتكى همه وفاح
عليك متحمل عذاباً له أنواع=عذاب هم وبعد يالليل الإشباح
كفربي اهموم الغلا واللقاء ضاع=دام النصيب ايصيب والحال منساح
حبك سفينه فالبحر والغلا اشراع=وعذالنا الإمواج والشوق مياح
لايغرقك موج العذل مالهم داع=يكفي لقانا باح والعذل ماباح
أخوكم هياف السبيعي
