[ســاري]

........ إيه .. من حقّك تحب ، واحد : جديد |
بس " قلبي " ... لا أشوفك ، تقْربه .

........ بنصحك .. . وأدري النصيحه ماتفيد :
يا تعمّر ( بيتك ) .. أو لا ، تخْربه !

........ ناوي تعشق ؟ عافيَه ، إعشِق بعيد ... .
صير ضِد القلب ، خُون | و| عذْربه .

........ الله يْهنّي ( سعيدة ) في ( سعيد ) ،
وكل عقرَب لدغتة . . من عقْربه !

........ لا تفكّر في إنكساري ... يا عنيد |
و " الكلام " إن جاك ، لا تستغربه .

........ مستحيل ، تغيّر الأصل ، و تبيد
لو محيته . . أو نفضت الأتربه ،

........ صوتك إللي كان لي أيّام " عيد " ،
ما يأثّر .... في الخفوق ، ويطربه .

........ إنت خلّك .. في أحاسيسك بليد
( المَثَل ) في غير وقته : تضربه !

........ مو أكيد أنساك .. بس إن الأكيد :
كاس من إيدك ، بعد ~ ما أشربه !

........ جرّب إللي بخاطرك .. وإبقى وحيد ،
وطيح من عيني بعد هـ ( التجْربه ) .

 

 

 

 

 

 

 

 

توقيع : ســاري

زعيمة المافيا تسلم يمينك على ذا التوقيع >> دعْ ذكرهنَّ فما لهن وفاءُ ... ريح الصبا وعهودهنَّ سواءُ يَكْسِرْنَ قَلْبَكَ ثُمَّ لاَ يَجْبُرْنَهُ ... و قلوبهنَّ من الوفاء خلاءُ