هذه اول مشاركة لي في منتداكم العامر امل ان تحوز على رضاء الجميع

ياسلااااام ياسلاااااام



سلام من قلب نبيــه ويحتاط = مايبغــي الا النادرة والمليــحة
ولا يجهل ان الناس تكير وانماط = يعرف شريحة ويتجنب شريحة
ودام السفينة وقفت بي على الشاط = بفتح مخازين الفكر والقريحة
في منتدى اعضاه حيين ونشاط = بين المعاني المبهمه والصريحة
مدري محلي فوق ولا بالاوساط = ولا مع المتردية والنطيحة
لا شك انا لي مع هل العرف مقلاط = والعرف من رب الخلايق منيحة
لو ان بعض احيان يلحقني احباط = واشغل عباد عن علومي مريحه
وسما المشاعر ترعد حروف ونقاط = واكتب بيوت بالسنــا مستـــضيحة
لي قدمت حازت على كل الانواط = وتشفي قلوب من زمنها جريحة
ولكم تحيات الغلا دون فقّاط = ولا يصح الا العلوم الصحيحة