[يحيى الأسيود]

بسم الله الرحمن الرحيم


السلام عليكم ورحمه الله وبركاته


هذه الابيات اسندتها على واحد من اخوياي اسمه نواف الواثـل


اليكم الابيات


القصيده


على حبيبي صابني تقل وسواس
ماغير اهذري به ولا لي وسيله

اصبح فؤادي من عنا البعد محتاس
واهو ماهمّه يابن واثل قتيله

طبعه عنيد وبه جمادات براس
ولايفهم المزيون حين اشكتيله

وصله جحيد وبه قطاعات نجاس
ولايقدر المشغول لوعة خليلة

هجره طويل وبه حماقات جساس
ولايحصل المذموم من ينتخيله

يملك جمالٍ يالخويٍ فايق الناسٍ
يخفي كثير امره ولا لي حصيله

على حبيبي صابني تقل هوجاس
ماغير اهذري به ولاني قبيله

اصبح فؤادي من عناالبعد محتاس
واهو ماهمّه يابن واثــل قتيله

وصلاة ربي عد ماهب نسناس
على الذي دل آلآنآم لسبيله

وكان ردهـ

الله يعين اللي من الحب رماس
اللي طوال الليل يذكر خليله
يسهرطوال الليل والهم عساس
على عشيرن ما يدور بديله
على وليفٍ حط بالراس هوجاس
يستر كثير امره ويظهر قليله
يسند لبن واثل من الهم قرطاس
من هم لاسه بالحنايا يشيله
مدام قلبه يالخوي مابه احساس
ماينفع المزيون لو تشتكيله


وسلامتكم .. ان شاء الله يحوزن على رضاكم

 

 

 

 

 

 

 

 

توقيع : يحيى الأسيود

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ