معى سجت السالين جريت لي موال=يفطر عروق القلب ويدغرق عيوني

غدا لي عمر وايام وانا على ذا الحال=يمر الزمن ما بينت ضحكت سنوني

اجر النفس وابكي لحالي على الاطلال=وامسح عيوني خوف لا ينشدوني

زمان الوفى والعز والمجد صال وجال=ونادا ضميري قال هل تذكروني

وجاوبت قلت الله واكبر على العقال=عليهم نثرت القول واغرمل لحوني

غزونا هل التدمير والكذب والدجال=وكلا يقرب للمناهيل ماعوني

بدايتهم التلفاز من بعده الجوال=ومن عقبها بالنت زادو لي طعوني

فيا الله يا منزل تبارك معى الانفال=طلبتك ولا لي غيرك يشد بركوني

لو انه بيلحقني هل الغي بالاقوال=وحد قال لي عاقل وحدقال مجنوني

فتحت الضمير اللي تعشش به الاقفال=وترجمت شيٍ فالمعاليق مدفوني

خذينا من الغرب الثقافات دون جدال=ولا فيه مسلم ما هو اليوم مديوني

جنينا على انفسنا وعشنا بدون امال=ويا وجد عين اللي غدا الليل مسجوني

على من سمع قولي ثم استقبل الارسال=يترجم عبارات الغرابيل من دوني

ويعلن معانات الاهانات والاذلال=ويسلي عيونه بالبكا قبل يسلوني

المصدر: الملتقى الجماهيري للشاعر محمد بن فطيس المري