[ذيب السهول]

وداعة الله مابقى للغلا روح
وش حيلتي والعشق ينزف وريده

سامح حبيبك وانت معفي ومسموح
لكن طلبتك تسمع اخر قصيده

قصيدة(ن) خذها على شيك مفتوح
من واحد(ن) ماقد نشد عن رصيده

فقير مال ولكن انه غني روح
ويملك مفاتيح الحياه السعيده

لو ان قلبه لاخفق كله جروح
ولاهو من اصحاب القلوب البليده

يحزن لحزن الناس ويسج وينوح
ويفرح لكل الناس لو هي بعيده

ومن منطلق سر العلاقات والبوح
بعلمك شي(ن) عسى تستفيده

يمكن تمرك ساعة الضيق وتروح
وتقول عدت والليالي مديده

وانا اقزر ضيقة فراقك مزوح
هذي سنه والعلم عييت اصيده

عقبك قصيدي يسجعه نايح الدوح
وعقبك ترى ماللشرايد شريده

وعقبك لو اخفي ضيقة الصدر مفضوح
كله لعينك يالمهاة الفريده

مضرم عليك ودلة وصالك تفوح
في جنبها جمر وتحتها وقيده

والحين تبغى الوصل والا تبا تروح
بعد سمعت اغلى واخر قصيده

 

 

 

 

 

 

 

 

توقيع : ذيب السهول