[عاليه]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

ماني على صدك ترى القلب اعنيه.

................وشعاد يعني لو مثلك هجرناه

القلب يسلا مع هل الطيب اسليه

..............عندك خبر كلٍ على كيف مشهاه

اقفت ليال الحب واقفت لياليه

..............والشوق روّح لاترجى وتنصاه

اطغيت حتى القلب بالغدر معميه

..............الصبح لك قلبٍ مع الحب يهواه

والليل لك قلبٍ من الغدر ماليه

.............كنت الامل والنفس مثلك تحراه

ماني صغير السن مثلك يخطيه

..............اخطيت ياللي كل شيٍ تخطاه

اللي رقا للخير ربي يجازيه

..............جعله بخير وراعي الطيب حياه

واللي يحب الشر منهو يخاويه

...............ياكود مثل الطبع لاشك خاواه

العقل راس المال وشلون اقديه

.............في ذكر ربٍ عالي الناس تخشاه

جفت عروق القلب جفت خباريه

...............لاتحسب ان الحر مثلي تشواه

حرٍ وفي وصفه طوالٍ مواميه

...............انا عريب الجد ياضايع اجداه

 

 

 

 

 

 

 

 

توقيع : عاليه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]