هي تحسب ان الحب لعبة وتمثيل
يوم وشهر وتصد والبال طايب
ماتدري ان الحب كله تهاويل
والمشكلة منهو في هالحب ذايب
حبيتني فالصبح وانكرت فالليل
نكرتني من دون صد وسبايب
يااهل الهوى وشلون ابلقى مقاييل
والقلب يخفق لو تهب الهبايب
مدري علامه فالهوى قاعد تميل
ارس السفينه ماتحمل طلايب
اشفق عليها شفقة الارض للسيل
لامن بطأ والقحط فالارض صايب
واشفق عليها شفقة البدو لسهيل
لامن بطأ والحر سبب عقايب
لو كان من شفقي لقيت البهاذيل
والعذر غايب بس وشلون غايب
بالحيل ضايق منك بالحيل بالحيل
وش فيك تبعد وانته اغلى الحبايب
بقلمي
| توقيع : رائد العصيمي |
اللهم اشرح صدري ويسر امري
اللهم انصر اخواننا المسلمين في سوريا .. اتمنى من الجميع الدعاء لهم بالتوقيع
تويتر ( رائد لمتابعة قصائدي والتواصل معي )
مدونتي (ياركني الهادي تراني نصيتك)
|
